Bemdez etre 10e30 ha 12e00 e vezit degemeret gant Lou Millour ha Laetitia Fitamant: Plijadur o devez kalz met ne bad morse pell a-walc'h an abadenn bemdeziek 'soñj dezho.
Peogwir emaoc'h o lenn ar pennad e brezhoneg, ne dalv ket ar boan treiñ deoc'h an titl e galleg, trawalc'h eo displegañ ma talvez "arabat kontañ gevier deomp, arabat soñjal omp tud sot".
Aze e c'hellit muzuliañ ar garantez o deus an div blac’h evidoc'h, selaouerien ger…
Bemdez neuze, un tammig eus tout: reportajoù, kronikoù, profoù da c'hounit ha dreist-holl sonerezh a-feson… Torr-penn e c'hell bezañ a-wechoù klevet ur ganaouenn pe un ton, kavout se brav ha chom hep gouzout petra 'oa: arabat ober biloù, Lou ha Laetitia na c'hellont ket chom pell hep brudañ o arzourien muiañ karet.
Laouen, plijet, displijet, fuloret? grit ho holl evezhiadennoù d’ar merc’hed dre o chomlec’h mail. Kontant e vezont atav da gaout evezhiadennoù war o labour!
